إستعراض نظام ******s Vista نسخة رقم 5536 (بالصور)

[سعود الهواوي]

السلام عليكم

خلال الاسبوع الماضي انتشرت اخر نسخة تجريبيه من نظام فيستا

فقررت انزلها واجربها وكان حجم النسخة 2.5 قيقا

طبعا راح استعرض لكم تجربتي المبسطة والاشياء اللي اعجبتني بالنظام بمعنى ماراح ادخل بالتفاصيل الدقيقه للنظام لانه (رحم الله امرء عرف قدر نفسه) مالي خبرة في مجال التمحيص والتدقيق في النظام

واعتبر نفسي كمستخدم عادي يجرب النظام خصوصا في الاشياء اللي يستخدمها مثل التصفح وشكل النظام

وابدا بمرحلة التركيب اللي كانت شوي من وجهة نظري طويلة تقريبا اكثر من ساعتين وللعلم نظام الفيستا مايرحم لانه يطلب ان الجهاز يكون سريع وذاكرة لاتقل عن 1 قيقا وفيه كرت شاشة ممتاز وهاردسك لايقل عن 10 قيقا

(النظام اخذ اكثر من 7 قيقا من الهاردسك :eek: )

وبعد عملية التركيب (ركبت النظام مع وجود نظام xp ) صار كل شيء تمام وقدرت ادخل على النظام

وراح ابدا بذكر الاشياء اللي عجبتني حاليا ومع تجربتي للنظام لوقت أطول راح احط لكم صور أكثر :)

اول شيء اعجبني انك تقدر تشوف مربع مصغر من النوافذ المصغرة على شريط المهام وهذا ينفع للي يفتح نوافذ كثيرة

وهذي الصورة توضح هالكلام

http://www.saudtech.com/vista/1.jpg


ومن الاشياء اللي اعجبتني ان كلمة ابدا اختفت وصار بدالها صورة شعار النظام وبعد ماتضغط راح تطلع لك قائمة البرامج والاختصارات مثل اختصار المستند وملف الصور وغيرة

وفيه حركة حلوة وهي انه اذا مررت الفارة او على قولة ربع مجمع اللغة العربيه الفويسقة :p راح تتغير ايقونة قائمة ابدا على حسب مكان الفارة بمعنى لو مريت على خيار البحث راح تطلع لك عدسة واذا مريت على مجلد الصور بتطلع لك ايقونة الصور

وهالصورتين توضح هالكلام

http://www.saudtech.com/vista/2.jpg http://www.saudtech.com/vista/4.jpg

ومن الاشياء الجميله انه اذا دخلت مجلد معين وداخله مجلدات وملفات تقدر تغيير طريقه عرض المجلدات مباشرة بمعنى في نظام الاكس بي تختار الشكل ومن ثم تشيك ومن ثم ترجع وتختار شكل ثاني

الان مع فيستا راح تختار الشكل وراح تشوف الملفات والمجلدات تتفاعل مع هالتغيير مع تحركك للفارة وهذي صورة توضح طريقه العرض

http://www.saudtech.com/vista/5.jpg

ومن الحركات الخاثرة بالنظام انه تصغير اي ايطار يكون بشكل سريع ويختفي بشكل متدرج
وهذي صورة توضح هالشيء لكن لازم تضغط عشان تشوفها مابغيت اخرب الموضوع بصورة كبيرة

http://www.saudtech.com/vista/9.jpg

ومن الاضافات الجديدة هي زر يظهر لك كل النوافذ من مجلدات او برامج او متصفح على سطح المكتب بشكل ثلاث الابعاد وهذي صورة توضح هالشي

http://www.saudtech.com/vista/13.jpg

واذا ضغط على ايقونة جهاز الكمبيوتر او راح تشوف الهاردسك وتقسيماته بشكل جميع بحيث يوضح لك شريط ازرق لكل هاردسك كم المساحة المستخدمة وكم تبقى منها

وهذي صورة توضح هالشيء

http://www.saudtech.com/vista/10.jpg

ومن الأشياء اللي زرفتها مايكروسوفت :D شيء اسمه gadget وهي تعني الادوات او الاشياء اللي تقدر تسوي لك اشياء كثيرة على سطح المكتب
مثل فيه اداة تقدر تجيب لك اخر الاخبار من موقع معين وفيه اداة تقدر تعرض لك احوال الطقس وفيه اداة تعرض لك الساعه وهالادوات كثيرة ومنتشره بالنت ومايكروسوفت خصصت موقع هالادوات تقدر تنزل اللي تبغى
واحب انوه ان طريقه عرض الادوات في نظام فيستا اما انك تقدر تحط الادوات على سطح المكتب وين ماتبغى او تجمعهم على شريط جانبي والصور توضح هالشيء

هذي قائمة بالاداوت الموجودة مع النظام وتقدر تنزل ادوات كثير من النت من الموقع اللي موجود في الصورة في الزاويه اليمنى من اسفل

http://www.saudtech.com/vista/3.jpg

وهذي صورة للادوات وهي على سطح المكتب

http://www.saudtech.com/vista/16.jpg

وبالاخير هذي كم صورة من عندي لكم

صورة لعبة سولتير بشكلها الجديد

http://www.saudtech.com/vista/14.jpg

وهذي صورة ويندز ميديا بلير

http://www.saudtech.com/vista/15.jpg

وهذي صورة لويندز ميديا سنتر اللي قدرت من خلاله ربط النظام مع جهاز الالعاب الاكس بوكس360 وقدرت اشوف الافلام والمقاطع والصور اللي موجودة على جهازي على جهاز الاكس بوكس 360 وهذي ميزة حلوة

http://www.saudtech.com/vista/12.jpg

وبالاخير حاولت اعطيكم فكرة مبسطة عن تجربتي للنظام وان شاءالله احاول اجربه اكثر

واي واحدة جربه ويحب يشارك بالموضوع راح اكون له شاكر

وشكرا للجميع

[احمد مكه]

اشكرك جزيل الشكر على المعلومات الرائعة والقيمة

فا لنظام اعتقد ان كبر حجمه في الاساس يعود للجرافيك العالي الذي يحتويه
وكما تفضلت فقد زرفت ميكوسوفت كثير من المميزات الجديدة من برامج وانظمة اخرى
ودمجتها مباشرة بويندوز وهذا قد يفقد تلك الشركات المنتجة للبرامج كثير من حصتها
ولا تستبعد يدمجون مثل بارتشن ماجيك وغيره من البرامج الشائعة في ويندوز ويضيقون على خلق الله
لكن بالنسبة للاداء مادري اذا كان فيه تحسن عن السابق او لا

تحياتي لك والف شكر ياغالي




فتقبل تحياتي واعجابي بالاضافة حول الموضوع الرائع





مع كل الحب

[remember msg]

تسلم سعود
موضوع مميز وجميل
احترامي

[الـخط6ـيرة]

ربي يسلمك اخوي سعود
موضوع جميل يستحق التثبيت :)

[سعود الهواوي]

تمت الترقية لنسخة رقم 5600
وهذي صورة من سطح المكتب

http://www.saudtech.com/vista/5600.jpg

[السالم]

دوما تتحفنا بالمفيد و الجديد اخي سعود جزاك الله كل خير

[خالد الجديع]

شكرا لك أخي الفاضل سعود على هذا السبق و الذي لا يعتبر غريبا عليك فهذا ما عودتنا عليه.

فجزاك الله خيرا و كتب لك الأجر و المثوبة

[المهمة]

ماشاء الله كل هالزين في وندوز فيستا

يعطيك العافية اخوي سعود

[الالف]

هل تنصح بتحميل النظام ؟ و شكرا مقدما

[Air_Snake]

شكرا يا جميل على الشرح